मनोज एल खोब्रागडे
✍🏻मुख्य संपादक✍🏻
8208166961/9860020016
*भोपाळ :-* प्रेरणादायी वक्ते डॉ.निलेश राणे यांनी मध्यप्रदेश राज्याचे पोलीस महासंचालक (DGP) डॉ.वरुण कपूर यांची भोपाळ येथील राज्य पोलीस मुख्यालयात सदिच्छा भेट घेतली. या भेटीदरम्यान राष्ट्रीय सुरक्षा, प्रभावी पोलीस प्रशासन, अंतर्गत सुरक्षा, समाजहित, युवकांचे सक्षमीकरण, जनजागृती तसेच विविध समकालीन विषयांवर सखोल आणि सकारात्मक चर्चा झाली.
भेटीदरम्यान डॉ.निलेश राणे यांनी डॉ.वरुण कपूर यांना श्री विठ्ठल-रुक्मिणी देवाची पवित्र प्रतिमा व पुष्पगुच्छ अर्पण करून त्यांचा सन्मान केला. यावेळी त्यांनी डॉ. कपूर यांचे शुभआशीर्वाद घेत त्यांच्या प्रदीर्घ प्रशासकीय अनुभवातून मोलाचे मार्गदर्शनही प्राप्त केले.
डॉ.राणे यांनी सांगितले की, डॉ.वरुण कपूर यांचे कर्तव्यनिष्ठ, शिस्तबद्ध, दूरदृष्टीपूर्ण आणि लोकाभिमुख नेतृत्व हे देशातील पोलीस दलासाठी प्रेरणादायी आहे. कायदा व सुव्यवस्था अधिक सक्षम करणे, नागरिकांचा विश्वास दृढ करणे आणि संवेदनशील, परिणामकारक पोलीस व्यवस्था उभारण्यासाठी त्यांनी केलेले कार्य उल्लेखनीय आहे.
सौहार्दपूर्ण वातावरणात झालेल्या या सदिच्छा भेटीत राष्ट्रहित, जनसेवा आणि सामाजिक बांधिलकी या मूल्यांना अधिक बळकटी देणाऱ्या विविध विषयांवर विचारांची देवाणघेवाण झाली. परस्पर संवाद, समन्वय आणि सकारात्मक दृष्टिकोनातून समाजहितासाठी अधिक प्रभावीपणे कार्य करण्याचा निर्धारही यावेळी व्यक्त करण्यात आला.
Post a Comment
0 Comments