"९ व १० सप्टेंबर रोजी सकाळी ५ ते रात्री ८ वाजेपर्यंत आदेश लागू"

प्रमोद एन. चिंतलवार 

तालुका प्रतिनिधी गडचिरोली 

मो. नं. 9405133420

गडचिरोली, दि. ७ सप्टेंबर : राष्ट्रीय परीक्षा एजन्सी (NTA), नवी दिल्ली यांच्यामार्फत आयोजित UGC-National Eligibility Test (UGC-NET) June-2026 परीक्षा गडचिरोली येथील शासकीय विज्ञान महाविद्यालय, चामोर्शी रोड, कन्नमवार नगर येथे दि. ९ व १० सप्टेंबर २०२६ रोजी दोन सत्रांत होणार आहे. परीक्षा शांततापूर्ण व सुरळीत वातावरणात पार पडावी, यासाठी जिल्हादंडाधिकारी अविश्यांत पंडा यांनी भारतीय नागरिक सुरक्षा संहिता, २०२३ च्या कलम १६३ अन्वये परीक्षा केंद्राच्या २०० मीटर परिसरात मनाई आदेश जारी केला आहे.

परीक्षा केंद्राच्या निषिद्ध क्षेत्रात परीक्षा कालावधीत झेरॉक्स मशीन, फॅक्स व एसटीडी बूथ सुरू ठेवण्यास तसेच मोबाईल फोन, लॅपटॉप, पेजर, टेपरेकॉर्डर, कॅमेरा आदींच्या वापरास मनाई राहील. पाचपेक्षा अधिक व्यक्तींना एकत्र येता येणार नाही. नारेबाजी, घोषणा, भाषण, वाद्य वाजविणे तसेच शस्त्रे, दाहक किंवा स्फोटक पदार्थ बाळगण्यासही प्रतिबंध राहील. परीक्षा केंद्रावर अनधिकृत व्यक्ती व वाहनांना प्रवेश करता येणार नाही.

हा मनाई आदेश दि. ९ व १० सप्टेंबर रोजी सकाळी ५ ते रात्री ८ वाजेपर्यंत लागू राहील. कर्तव्यावरील अधिकारी व कायदा-सुव्यवस्थेसाठी तैनात पोलीस अधिकारी यांना आदेशातून वगळण्यात आले आहे. आदेशाचे उल्लंघन करणाऱ्यांविरुद्ध नियमानुसार कारवाई करण्यात येईल, असे जिल्हादंडाधिकारी कार्यालयाने कळविले आहे.