गडचिरोली पोलीस दलाकडून शहीद जवानांच्या कुटंुबियांसाठी संवाद बैठकीचे आयोजन.

मधुकर गोंगले, गडचिरोली जिल्हा प्रतिनिधी. मो. नं. 9420751809.

गडचिरोली :- गडचिरोली जिल्ह्यातील माओवाद आता संपुष्टात आला असून आज पोलीस दलाच्या अभिलेखावर एकही सशस्त्र माओवादी शिल्लक नाही. जिल्ह्रामध्ये कार्यरत असताना माओवाद्यांच्या हिंसक कारवायांमध्ये सुरक्षा दलाचे आजपावेतो एकूण 214 जवान शहीद झालेले आहेत. सर्व शहीद जवानांच्या कुटंुबियांच्या कल्याणाकरिता गडचिरोली पोलीस दलाकडून विविध उपक्रम राबविले जात असतात. याचाच एक भाग म्हणून वीर मरण आलेल्या शहीद कुटंुबाबद्दल कृतज्ञता तसेच आदर व्यक्त करण्याच्या दृष्टीकोनातून शहीद जवानांच्या कुटंुबीयांच्या समस्या, अडचणी तसेच त्यांच्या विविध गरजा जाणून घेऊन त्यांचे निराकरण करण्यासाठी गडचिरोली पोलीस दलाच्या वतीने आज दिनांक 02 सप्टेंबर 2026 रोजी पोलीस अधीक्षक गडचिरोली श्री. एम. रमेश यांच्या मार्गदर्शनाखाली अपर पोलीस अधीक्षक (प्रशासन) श्री. गोकुल राज जी. यांच्या उपस्थितीत शहीद कुटंुबीय संवाद बैठकीचे आयोजन एकलव्य सभागृह पोलीस मुख्यालय गडचिरोली येथे करण्यात आले.

सविस्तर वृत असे की, गडचिरोली जिल्ह्यात माओवादविरोधी अभियानादरम्यान अनेक पोलीस अधिकारी व जवानांनी आपल्या कर्तव्य बजावत असताना प्राणांची आहुती दिली आहे. त्यांच्या शौर्य, त्याग आणि बलिदानामूळे गडचिरोली जिल्ह्रात शांतता व सुरक्षितता प्रस्थापित करण्याच्या प्रयत्नांना बळ मिळाले आहे. या शूर जवानांच्या कुटंुबीयांप्रती कृतज्ञता व्यक्त करणे ही गडचिरोली पोलीस दलाची जबाबदारी असून, त्यांच्याशी असलेले ऋणानुबंध अधिक दृढ करण्याच्या उद्देशाने या संवाद बैठकीचे आयोजन करण्यात आले. सदर आयोजित बैठकीदरम्यान अपर पोलीस अधीक्षक (प्रशासन) श्री. गोकुल राज जी. यांनी शहीद जवानांच्या कुटंुबीयांशी संवाद साधत त्यांच्या कौटंुबिक, शैक्षणिक, आर्थिक तसेच शासकीय योजनांशी संबंधित अडचणी जाणून घेतल्या. शहीद कुटंुबीयांनी मांडलेल्या विविध समस्या व मागण्यांची नोंद घेऊन त्या सोडविण्यासाठी आवश्यक ती कार्यवाही करण्याचे आश्वासन दिले. तसेच बैठकीदरम्यान कुटुंबीयांनी मांडलेल्या विविध बाबींवर सकारात्मक चर्चा करुन संबधीत विभागांना आवश्यक त्या कार्यवाहीच्या सूचना देण्यात आल्या. यासोबतच “शहीद जवानांच्या कुटंुबीयांना कोणत्याही प्रकारची अडचण भासू नये, यासाठी गडचिरोली पोलीस दल सदैव त्यांच्या पाठीशी उभे राहील,” असा विश्वास यावेळी व्यक्त केला.

सदर संवाद बैठकीमध्ये पोलीस अधीक्षक, गडचिरोली श्री. एम. रमेश यांच्या मार्गदर्शनाखाली अपर पोलीस अधीक्षक (प्रशासन) श्री. गोकुल राज जी., संबंधित मंत्रालयीन कर्मचारी तसेच सर्व शहीद कुटंुबीयातील सदस्य उपस्थित होते.