✍️दिलीप करकरे ✍️
माणगाव, रायगड
7208708456
माणगाव:- दैनिक सूर्योदय या वृत्तपत्राच्या रायगड जिल्हा प्रसिद्धी प्रमुखपदी कु. निखिल मोतीराम सुतार यांची नियुक्ती करण्यात आली आहे. प्रभावी लेखणी, वस्तुनिष्ठ पत्रकारिता, समाजहिताची तळमळ आणि जनसामान्यांच्या प्रश्नांना प्रभावीपणे वाचा फोडण्याच्या त्यांच्या कार्याची दखल घेत ही महत्त्वपूर्ण जबाबदारी त्यांच्यावर सोपविण्यात आली आहे.
कु. निखिल सुतार हे उत्कृष्ट कवी, लेखक आणि पत्रकार म्हणूनही ओळखले जातात. आपल्या संवेदनशील लेखनशैली, अभ्यासू वृत्ती आणि प्रभावी लेखणीच्या बळावर त्यांनी साहित्य आणि पत्रकारिता या दोन्ही क्षेत्रांत स्वतंत्र ओळख निर्माण केली आहे. त्यांच्या कविता, लेख आणि सामाजिक विषयांवरील लिखाणाला वाचकांकडून नेहमीच उत्स्फूर्त प्रतिसाद मिळत असतो.
रायगड जिल्ह्यातील सामाजिक, शैक्षणिक, सांस्कृतिक, कृषी तसेच विकासात्मक घडामोडींना व्यापक प्रसिद्धी मिळावी, शासन व प्रशासनापर्यंत जनसामान्यांच्या समस्या प्रभावीपणे पोहोचाव्यात तसेच लोकहिताच्या विषयांना योग्य व्यासपीठ मिळावे, या उद्देशाने कु. निखिल सुतार कार्यरत राहणार असल्याचा विश्वास व्यक्त करण्यात आला आहे.
कु. निखिल सुतार यांच्या नियुक्तीमुळे दैनिक सूर्योदयचे रायगड जिल्ह्यातील वृत्तांकन व प्रसिद्धी कार्य अधिक सक्षम, गतिमान आणि प्रभावी होईल, अशी अपेक्षा व्यक्त करण्यात येत आहे.
या नियुक्तीबद्दल पत्रकार, साहित्यिक, सामाजिक, राजकीय, शैक्षणिक तसेच विविध क्षेत्रांतील मान्यवर, मित्रपरिवार आणि समाजबांधवांकडून कु. निखिल सुतार यांच्यावर अभिनंदनाचा वर्षाव होत असून, त्यांच्या पुढील यशस्वी वाटचालीसाठी हार्दिक शुभेच्छा व्यक्त करण्यात येत आहेत.
Post a Comment
0 Comments